کولکتہ(مانیٹرنگ ڈیسک)فاسٹ بولر محمد سمیع کے زخمی ہونے کی وجہ سے پاکستان کرکٹ ٹیم کو اپنا پہلا میچ کھیلنے سے پہلے ہی بڑے نقصان کا سامنا کرنا پڑ رہا ہے
تفصیلات کے مطابق قومی ٹی 20 سکواڈ کا حصہ بننے والے محمد سمیع انجری کا شکار ہوگئے ہیں ، ایڈن گارڈن میں اتوار کو پریکٹس کرتے ہوئے ان کے پاؤں پر گیند لگی ہے جس کی وجہ سے ان کی سری لنکا کیخلاف کھیلے جانے والے پریکٹس میچ میں شرکت مشکوک ہوگئی ہے۔ محمد سمیع کو سری لنکا کیخلاف کھلانے یا نہ کھلانے کا فیصلہ میچ سے پہلے ہوگا۔